Máskeý jáne Búkil Rýs Patrıarhy quttyqtaý hat joldady (FOTO)
Máskeý jáne Búkil Rýs Patrıarhy Kırıll QMDB Tóraǵasy, Bas múftı Naýryzbaı qajy Taǵanulyna quttyqtaý hat joldady.
«Búginde pravoslavtar men musylmandar qoǵamdaǵy dástúrli qundylyqtardy saqtaýǵa, beıbit ómir qalyptastyryp, jaqyn-týystarǵa qamqor bolyp, qurmetpen qaraýǵa atsalysyp keledi. Reseı Pravoslav shirkeýi 2003 jyldan bastap Qazaqstandaǵy Álemdik jáne dástúrli dinder kóshbasshylarynyń sezine turaqty túrde qatysyp, mán berýde. Orys Pravoslav shirkeýiniń qazaqstandyq metropolıttik okrýgi men Qazaqstan musylmandary din basqarmasy arasyndaǵy baýyrlyq baılanysty joǵary baǵalaımyn. Sizdiń basshylyǵyńyzben bul baılanys áli de jandana túsedi degen senimdemin» delingen quttyqtaý hatta.
