Marat Bektazınov – Aqparat jáne qoǵammen baılanys bóliminiń meńgerýshisi (FOTO)
Búgin Elordada Bas múftı Naýryzbaı qajy Taǵanulynyń tóraǵalyǵymen ótken QMDB Ortalyq apparatynyń kezekti hattamalyq jınalysynda ýaǵyz-nasıhat jáne aqparat salasyna qatysty birqatar jobalardyń jospary talqylandy.
Májiliste Bas múftı nasıhat jáne aqparat salasyndaǵy jumystardy jandandyra túsý maqsatynda QMDB janynan jańa bólim ashylǵanyn habarlady. Ujymǵa «Aqparat jáne qoǵammen baılanys» bóliminiń meńgerýshisi Marat Bektazınovty tanystyrdy.
«Marat Dálelhanuly talaı jyldan beri dinı salada qyzmet etip keledi. Tájirıbesi men iskerlik qabileti bar. Jańa jumysyńyzǵa bereke tileımin. Ózińizge júktelgen mindetti abyroımen atqarýǵa tilektespin», – dep atap ótti Bas múftı Naýryzbaı qajy Taǵanuly.
«Bektazınov Marat Dálelhanuly «Áziret Sultan» meshitiniń birinshi naıb ımamy qyzmetinen bosatylyp, QMDB «Aqparat jáne qoǵammen baılanys» bólimine meńgerýshi bolyp taǵaıyndalsyn», – delingen Bas múftı buıryǵynda.
Marat Dálelhanuly Bektazınov 1982 jyly Shyǵys Qazaqstan oblysy Aıagóz qalasynda dúnıege kelgen.
BILIMI:
Almaty qalasyndaǵy «Taıba» qazaq-arab kolledji.
«Nur Múbárak» Egıpet Islam mádenıeti ýnıversıteti.
EŃBEK JOLY:
2000-2003 jyldary Aıagóz qalalyq qazaq lıtseıiniń arab tili jáne din tarıhy pánderiniń oqytýshysy;
2003-2005 jyldary Aıagóz qalalyq ortalyq meshitiniń ustazy;
2006-2009 jyldary Almaty oblysy, Qapshaǵaı qalasyndaǵy №1 «Káýsar» ınternaty dırektorynyń orynbasary;
2009-2011 jyldary Qaraǵandy oblystyq Ortalyq meshitiniń ustazy;
2009-2011 jyldary Qaraǵandy oblystyq «5 kanal» telearnasyndaǵy «Islam: saýaldar men jaýaptar» baǵdarlamasynyń dinı redaktory jáne júrgizýshisi;
2011-2013 jyldary qajylyq kompanııasynyń menedjeri;
2013 jyldyń sáýir-qyrkúıek aılary QMDB-nyń Ýaǵyz-nasıhat bóliminiń mamany;
2013-2016 jyldary «Nur Astana» ortalyq meshitiniń ustazy;
2014-2016 jyldary «Astana medresesi» dırektorynyń birinshi orynbasary;
2016-2018 jyldary «Nur Astana» ortalyq meshitiniń naıb ımamy;
2018-2019 jyldary Astana qalasy ákimdigi Din problemalaryn zertteý ortalyǵy basshysynyń orynbasary;
2019 jyldyń mamyr aıynan bastap respýblıkalyq «Áziret Sultan» meshitiniń birinshi naıb ımamy qyzmetin atqardy;
2020 jyldyń 21 aqpanynan bastap Bas múftı Naýryzbaı qajy Taǵanulynyń buıryǵymen QMDB «Aqparat jáne qoǵammen baılanys» bóliminiń meńgerýshisi qyzmetine taǵaıyndaldy.
