Maqtaaraldyq aǵaıynǵa kómek jetkizildi (FOTO)
Osydan týra bir apta buryn QMDB Tóraǵasy Naýryzbaı qajy Taǵanulynyń basshylyǵymen arnaıy jınalys ótken edi. Jıynda Bas múftı Naýryzbaı qajy Taǵanuly sý apatynan zardap shekken Túrkistan oblysy Maqtaaral aýdanyndaǵy aǵaıyndarǵa kórsetilip jatqan kómek kólemin ulǵaıtýdy tapsyrǵan bolatyn.
Naýryzbaı qajy Taǵanuly bul qaıyrymdylyq sharasyna ózge aımaqtaǵy ımamdarmen qosa «Zeket» qorynyń ókilderi de atsalysýyn tapsyrǵan bolatyn. «Zeket» qorynyń uıymdastyrýymen, qaıyrymdylyq sharalary eselene tústi. Ásirese QMDB ókildikteri tarapynan kórsetilip jatqan kómek kóbeıip keledi.
Almaty óńiri ókildigi Maqtaaral aýdanyndaǵy 300 otbasyǵa qaıyrymdylyq kómek esebinde somasy 2 mln teńgeni quraıtyn qajetti zattar men azyq-túlik toltyrylǵan 2 júk kóligin jiberdi.
Shymkent qalasy ókildigi azyq-túlik, kıim-keshek jáne gıgıena zattary salynǵan 16 tonna qajetti zattar, 500 adamǵa arnalǵan aýyzashar paketin, sondaı-aq sý tasqynynan zardap shekken otbasylarǵa 20 shaqty qoı úlestirdi.
Taldyqorǵan óńiri ókildigi 40 tonna (onyń 8 tonnasy – qurylys zattary, qalǵany azyq-túlik t.b) qajetti zattar, odan bólek 660 myń teńge kóleminde qarjylaı kómek kórsetti. Sondaı-aq Taldyqorǵan óńiri ókildigi men oblystyq jastar basqarmasynyń uıymdastyrýymen maqtaaraldyq aǵaıynǵa 180 myń tonna zat, 1,5 mln teńge kóleminde qarajat jiberildi.
Almaty qalasy ókildigi «Maqtaaralǵa kómek» qaıyrymdylyq kerýenin uıymdastyrdy. Turmysqa qajetti buzylmaıtyn zattar, azyq-túlik jiberildi. 300 otbasyǵa 50 kelilik qaıyrymdylyq paketi úlestirildi. Maqtaaralǵa jalpy kólemi 25 tonnaǵa jýyq júk jetkizildi.
Mańǵystaý oblysy ókildigi 2 fýra úlken júk kóligi, 12 gazel kóligimen kómek jetkizdi. Olarǵa jolaı Jańaózen qalasynan 1 fýra men 8 gazel avtokóligi qosyldy.
BQO ókildigi 37 tonna (20 tonna azyq-túlik, 11 tonna sharýashylyq zattary, 6 tonna kıim-keshek) bolatyn 15 gazel kóligin jiberdi.
Pavlodar oblysy ókildigi halyqtan kómek jınap, maqtaaraldyqtarǵa 7 gazelge tıelgen kómek (azyq-túlik, gıgıenalyq zatyr, qajetti taýarlar t.b) jiberdi.
