Mańǵystaýlyq kásipkerler qaıyrymdylyq aktsııasyn jarııalady
Amal merekesi qarsańynda mańǵystaýlyq qurylysshylar óńirdegi áleýmettik jaǵdaıy tómen otbasylardy óz qamqorlyǵyna alý maqsatynda aktsııa jarııalady. Bul týraly Óńirlik kommýnıkatsııalar qyzmeti alańynda ótken brıfıngte málim boldy.
Qaıyrymdylyq sharasynyń basty maqsaty — óńirdegi áleýmettik jaǵdaıy tómen otbasylarǵa qoldaý kórsetý, qolynan is keletin, jeke kásibin ashýǵa nıetti, biraq múmkindigi joq jandarǵa qamqorlyq tanytý.
«Qamtylatyn 300 otbasynyń 90-ǵa jýyǵy Jańaózen qalasynda turatyndyqtan, Jańaózen qalasyna baryp, sol otbasylarmen tanysyp, jaǵdaıyn biletin bolamyz», - dedi belgili kásipker Samat Musabaev.
Shara aıasynda ár kásipker 1 jyl kóleminde, 10 otbasyǵa shama sharqynsha kómek qolyn sozbaq. Ál-aýqaty tómen otbasylarynyń jaqsy ómir súrýine talpynysyn oıatyp, aıaqqa turyp ketkenshe kómektesedi. Olar túrli baǵytta júzege asady.
«Aktsııanyń osylaı atalýynyń ózinde úlken mán jatyr. Qaıyrymdylyq qanymyzda bar qasıet bolǵandyqtan óńirdiń kásipkerleri birigip, izgi sharany qolǵa alyp otyrmyz», - dedqi spıkerler.
«Maqsat – osy sharany basynan bastap aıaǵyna deıin jetkizý. Kásipker retinde aıtarym, aımaqta kásippen aınalysamyn degenderge jaǵdaı jasalynǵan jáne qoldaý kórsetilýde. Talpynǵan, kásippen aınalysamyn degen otbasylarǵa kómekteskimiz keledi. Batyldyǵy, jigeri mol adamdar kóp. Tek basyn qalaı bastaryn bilmeı júrgender. Qazaqta «bulaq kórseń — kózin ash» demekshi, olar alǵashynda sál demep jiberýdi, baǵyt kórsetýdi qajet etedi», - dedi osy jobaǵa at salysyp jatqandardyń biri, kásipker Isa Bımyrzaev.
Atalǵan aktsııaǵa turmystyq jaǵdaıy, kúnkóris deńgeıi óte tómen, tipti erteńgi as-sýyn qalaı tabaryn bilmeı otyrǵan, kómekke zárý oblys boıynsha 300 otbasy iriktelip alyndy. Olardyń tizimi meshitten, jumyspen qamtý ortalyqtarynan suraldy. Bizdiń maqsatymyz olarǵa tek bir jolǵy qarjy berip nemese azyq-túlik áperý emes, olardyń kúnkórisin jaqsartýǵa baǵyttalǵan naqty sharalar uıymdastyrý», - dedi joba úılestirýshisi Aıjanı Nurlanova.
Aıjanı Nurlanovanyń aıtýynsha bul izgi sharany televızııalyq joba retinde usynbaqshy.
