Mańǵystaýda qaıyrymdy jandar 80 jastaǵy qarııaǵa úı turǵyzyp berdi
Mańǵystaý oblysy, Baıandy aýylynda eriktiler eki aı ishinde qarııaǵa eki bólmeli úı turǵyzyp berdi, dep habarlaıdy Baq.kz aqparat agenttigi bnews.kz saıtyna silteme jasap.
Qarııa qyryq jyl buryn ózi turǵyzǵan úı apattyq jaǵdaıda bolǵan, sondyqtan aqtaýlyq eriktiler zeınetkerge kómektesip, jańa úı salyp berýge sheshim qabyldaǵan. Olarǵa Baıandy aýylynyń turǵyndary da kómektesken.
Zeınetker buryn qurylys salasynda jumys istegen eken. Ol úıinde sońǵy 40 jylda múmkindigi shekteýli ulymen birge turǵan. Ýaqyt óte kele ol úı turýǵa jaramsyz bolyp qalǵan.
Ártúrli júz salada jumys isteıtin adam bas qosyp, bul máseleni sheship berdi. Olar eki aı ishinde eki bólmeli úı salyp qana qoımaı, úı ishine asúı tehnıkalary men jıhazdar alyp berdi, sondaı-aq aýyl turǵyndary tósek-oryn jabdyqtary men kıim-keshekpen kómektesti.
Aqsaqal bul jaǵdaıǵa nemquraıly qaramaǵandardyń bárine alǵys aıtyp, aq batasyn berdi.
«Jańa úıim ózime óte unaıdy. Bastapqyda maǵan osylaı kómektesetinine sengen joqpyn. Kómekke tipti tanymaıtyn adamdar da keldi. Bárine kóp rahmet!» - dedi ol.
