Mańǵystaý óńirinen bes ejelgi jerasty meshiti tabyldy

ańǵystaý óńirinen 5 birdeı ejelgi jerasty meshiti men 20 qudyq tabyldy. Aımaq tarıhshylary mundaı oljaǵa tarıhı-mádenı nysandardy zertteýge baǵyttalǵan keshendi Ekspedıtsııanyń alǵashqy kezeńinde qol jetkizip otyr.

XIX ǵasyrǵa tán jerasty meshitteri Mańǵystaý men Túpqaraǵan aýdandarynyń aýmaǵynan tabylǵan. Qazir olardy kimniń salyp, qandaı qurylys materıaldaryn qoldanǵany zerttelip jatyr. Al tabylǵan qudyqtar esepke alynyp, aımaqta qudyqtar kartasy jasalmaqshy.

«XIX ǵasyrdyń 20-jyldary óńirde sýy ashy-tushysy aralas 4168 qudyq bolǵan. Al búginde shól dalada tirshilik kózi bolǵan qudyqtardyń qanshasynyń bar ekendigi belgisiz»,- deıdi ǵalymdar.

Ekspedıtsııa jumysyna alys-jaqyn shetelderden 40 ǵalym qatysty. Olar arheologııalyq eskertkishterdi zerttep, Etnografııalyq aqparattardy jınaqtady. «Otpantaý», «Sherqala» syndy tarıhı oryndardyń týrıstik áleýetimen tanysty.

Osyǵan deıin I-IX ǵasyr aralyǵyndaǵy Mańǵystaý óńirine qatysty birde-bir derek tirkelmegen edi. Aımaqqa jasalǵan Ekspedıtsııanyń arqasynda ejelgi tarıhtyń jańa betteri ashylyp jatyr. Kóptegen eskertkishter tabylýda. Ólkeni keshendi zertteý jumystary kelesi jyly da jalǵasady. Aldaǵy ýaqytta qorjynymyzdy taǵy da qundy derektermen jáne jádigerlermen toltyramyz degen oıdamyz,-deıdi Mańǵystaý memlekettik tarıhı-mádenı qoryǵy dırektorynyń orynbasary Marat Ótesinov.