MÁLIMDEME

Kámeletke tolmaǵan qyzdyń nekesine qatysty QMDB-nyń Mańǵystaý oblysy boıynsha ókildiginiń málimdemesi

Aqtaý qalasynda kámelet jasqa tolmaǵan qyzdyń nekesine qatysty áleýmettik jelide taraǵan aqparatqa qatysty Qazaqstan musylmandary dinı basqarmasynyń Mańǵystaý oblysy boıynsha ókildigi tómendegini málimdeıdi:

Neke qııý rásimi meshitte bolmaǵany anyqtaldy. Meshit ımamdary kámelet jasqa tolmaǵan qyzdyń nekesin qımaǵan. Meshitke kelip, qulshylyq úıin aralaýǵa, aýlasynda sýretke túsýge shekteý qoıylmaıdy. Jastar meshitke kelip, estelikke sýretke túskeni belgili boldy.

Qazaqstan musylmandary dinı basqarmasynyń qabyldaǵan «Meshit ımamdarynyń neke qııý tártibi» qujatyna sáıkes otbasy qurǵysy keletin azamattar áýeli AHAT bólimi arqyly zańdy nekege otyrýy tıis. Neke qııý rásimine bolashaq erli-zaıyptylardyń ata-anasy nemese olardyń zańdy ókilderi qatysýy mindetti. Dinı nekege ata-analarynyń nemese zańdy ókilderiniń kelisimi kerek. Olaı bolmaǵan jaǵdaıda meshitte dinı neke qıylmaıdy.

QMDB-nyń Mańǵystaý oblysy boıynsha ókildigi