«Leńger balmuzdaǵy» halal sertıfıkatyn aldy (FOTO)

Qazaqstan musylmandary dinı basqarmasyna qarasty «Halal Damý» JShS elimizge «LEŃGER BALMUZDAǴY» ataýymen tanylǵan balmuzdaq ónimderin «Halal ónimderdi óndirýge, daıyndaýǵa, óńdeýge, saqtaýǵa, tasymaldaýǵa jáne satýǵa qoıylatyn jalpy talaptar» standarty boıynsha sertıfıkattady.

Óńirlik jaýapty ókil Sarybaev Qazybek myrzanyń basshylyǵymen atalǵan kásiporynda tekseris jumystary júrgizilip, kúmándi dep tanylǵan ónimder men taǵamdyq qospalar laboratorııalyq zerthanaǵa jiberildi. Barlyq qyzmetkerlerdiń jumys jasaý barysy, sanıtarlyq tazalyq sharttaryn saqtaýy, sharıǵat talaptaryna saı emes ónimderdi qoldanbaýy, mekemege shıkizat ónimderin tasymaldaýshy kásiporyndardyń qujattary, tehnıkalyq qural-jabdyqtardyń standart talaptaryna saı jabdyqtalýy, qaptamalardyń adam densaýlyǵyna zııandy bolmaýy sekildi ónim óndirýden bastap tasymaldap satýǵa deıingi barlyq protsess tekserildi.

Nátıjesinde «Leńger balmuzdaqtarynyń» «QMDB halal» standart talaptaryna saı ekendigi anyqtaldy. Ekspert-tehnolog jáne sharıǵı keńesshi mamandardyń qorytyndy aktisinen keıin «QMDB halal» sertıfıkaty tabystaldy.

Elimizdiń barlyq óńirleriniń dúken sórelerinde satylatyn «Leńger balmuzdaqtary» 1988 jyly A.N.Týrdıevtiń bastamasymen nebári segiz adamnan quralǵan toppen óz jumysyn bastaıdy.

Alǵashynda «Lakomka» jáne «Shokoladty Plombır» dep atalatyn balmuzdaqtyń eki ǵana túrin óndirýmen aınalysqan kompanııada qazirgi tańda 173 túrli balmuzdaq túrlerin óndiredi.

«Balmuzdaq» JShS meken-jaıy: Túrkistan oblysy, Tóle bı aýdany, Pervomaıskıı aýyl okrýgy, Birinshi Mamyr aýyly, Sattar Erýbaev kóshesi 7.