«KÓKTAL» MEShITINDE JASTARǴA ARNALǴAN SEMINAR ÓTTI

Astana qalasyndaǵy «Kóktal» meshitinde jastardyń rýhanı tárbıesin nyǵaıtyp, ımandylyq pen adamgershilik qundylyqtardy dáripteýge baǵyttalǵan «Jastar – bizdiń bolashaǵymyz» atty taǵylymdy semınar ótti.

Kezdesýge «Áziret Sultan» meshitiniń ustazy Hamıt Myrzageldıev arnaıy qonaq retinde qatysyp, jastarmen mazmundy suhbat júrgizdi.

Semınar barysynda jastardyń qoǵamdaǵy orny, bilim men izdenistiń mańyzy, ýaqytty tıimdi paıdalaný, ata-anaǵa qurmet kórsetý, úlkenge izet, kishige qamqorlyq jasaý jáne ár adamnyń óz isine jaýapkershilikpen qaraýy jóninde oı qozǵaldy.

Ustaz jastyq shaqtyń adam ómirindegi ornyna toqtalyp, bul kezeńdi bos ótkizbeı, bilim alýǵa, paıdaly iske jáne izgi amaldarǵa arnaýdyń mańyzyn atap ótti.

Kezdesý sońynda jastar kókeıdegi saýaldaryn qoıyp, ózderin tolǵandyrǵan máseleler boıynsha aqyl-keńes aldy.