«Kóktal» meshiti qarııalarǵa qurmet kórsetti

Qasıetti Qurban aıt merekesi qarsańynda «Kóktal» meshiti Din men dástúr baǵyty aıasynda «Sharapat» áleýmettik qyzmet kórsetý ortalyǵynda (qarttar úıi) taǵylymdy rýhanı jıyn uıymdastyrdy.

Aq jaýlyqty analar men aqsaqaldarǵa arnap aıttyq dastarqan jaıylyp, merekelik kóńil kúı syılady. Meshit jamaǵaty men eriktiler qarııalarǵa qurmet kórsetip, aq dastarqannan dám usynyp, izgi tilekterin jetkizdi.

Islam dininde qarııalarǵa qurmet kórsetý – saýapty amaldardyń biri sanalady. Osyǵan oraı uıymdastyrylǵan kezdesý barysynda aǵa býyn ókilderine meshit ujymy erekshe iltıpat kórsetti.

Rýhanı basqosýda qasıetti Quran aıattary oqylyp, dúnıeden ótken marqumdarǵa baǵyshtalyp duǵa jasaldy. Sondaı-aq el tynyshtyǵy, jurt amandyǵy men berekesi úshin aq tilekter aıtyldy. Qarııalar óz kezeginde kórsetilgen qurmet pen yqylasqa rızashylyqtaryn bildirip, aq batalaryn berdi.

Источник: Aisha