«HASEKI» INSTITÝTYNA QABYLDANǴAN ShÁKIRTTERMEN KEZDESÝ ÓTTI (FOTO)

Qazaqstan musylmandary dinı basqarmasy men Túrkııa din isteri basqarmasy arasyndaǵy kelisimge sáıkes bıyl Almatyda 2024-2025 oqý jylyna «Hasekı» ınstıtýtyna qabyldaý emtıhany ótken bolatyn. Emtıhan nátıjesi boıynsha 24 úmitker arasynan 13 shákirt Túrkııanyń «Hasekı» ınstıtýtyna oqýǵa qabyldandy.

Astanada Qazaqstan musylmandary dinı basqarmasy ǵımaratynda naıb múftı Ershat Ońǵar oqýǵa qabyldanǵan shákirttermen kezdesip, bilim jolyndaǵy úlken qadamdaryna sáttilik tiledi. Kezdesýge Bas múftıdiń keńesshisi Kenjetaı Baıkemeluly, Dinı bilim jáne kadr daıarlaý bóliminiń meńgerýshisi Hasan Amanqul qatysty. Naıb múftı Ershat Aǵybaıuly QMDB Tóraǵasy Naýryzbaı qajy Taǵanulynyń izgi nıetin jetkize kele, Bas múftıdiń Baǵdarlyq baıandamasynda kóterilgen sapaly dinı mamandardy daıarlaý máselesin sóz etip, shákirtterdi sapaly bilim alýǵa shaqyrdy. Sonymen qatar elimiz ben jerimizdiń ıgiligi úshin aıanbaı qyzmet etýge úndedi. Naıb múftı bilim jolyna shyqqan 13 shákirtke duǵa jasap, izgi tilegin bildirdi.

Aıta ketsek, 2013 jyldan beri Túrkııadaǵy «Hasekı» ınstıtýtyn 139 shákirt támamdaǵan bolatyn.

​