«HANAFI MÁZHABYNYŃ FIQH ǴULAMALARY» KITABY JARYQ KÓRDI (FOTO)
Elordada Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanulynyń jáne Túrkııa Din isteri basqarmasynyń tóraǵasy Alı Erbashtyń qatysýymen «Hanafı mázhabynyń fıqh ǵulamalary» kitabynyń tanytymy ótti.
Dinı basqarma ujymy men baýyrlas Túrkııa elinen kelgen delegatsııasynyń ekijaqty kezdesýinde professor Alı Erbash Túrkııa Din isteri basqarmasy kóptegen klassıkalyq eńbekterdi, dinı ádebıetterdi shet tilderi aýdarý jolǵa qoıylǵanyn aıta kelip, sonyń ishinde qazaq tiline aýdarý isine basymdyq berilgenin atap ótken bolatyn. Osy oraıda «Dıanet» qorynyń qoldaýymen jaryq kórgen «Hanafı mázhabynyń fıqh ǵulamalary» kitabynyń qazaq tilindegi aýdarmasy alǵash ret tanystyryldy. Óz kezeginde Bas múftı Naýryzbaı qajy Taǵanuly irgeli eńbektiń qazaq tiline aýdarylýyn joǵary baǵalaıtynyn ári kitaptyń qazirgi musylman úmbeti úshin mańyzdy ekenin tilge tıek etti.
Kitap avtory professor Ahmet Ózeldiń sózimen aıtsaq, eńbekte 308 Hanafı, 44 Shafıǵı, 25 Malıkı, 13 Hanbalı men 41 ózge ilim salalarynan tańdalyp alynǵan ǵalymdardyń ómirderegi men rýhanı murasy usynylǵan.
