Halyqaralyq konferentsııaǵa 300 delegat qatysýda (FOTO)

Búgin Elordada Qazaqstan jáne Reseı musylmandary dinı basqarmalarynyń uıymdastyrýymen «Rýhanı Jibek joly. Islam jáne jastar: qazirgi zaman syn-qaterleri» atty IV Halyqaralyq ǵylymı-dinı konferentsııa óz jumysyn bastady.

Konferentsııa jumysyna QR Aqparat jáne qoǵamdyq damý mınıstri Dáýren Abaev, Bas múftı Serikbaı qajy Oraz,  Reseı musylmandary dinı basqarmasy jáne Reseı múftıler keńesiniń tóraǵasy, múftı, sheıh Ravıl Gaınýtdın, Ózbekstan múftıi Ýsmonhon Alımov, Qytaı Islam qaýymdastyǵynyń tóraǵasy Hasan Fa Mın, Qyrǵyzstan múftıi Maqsatbek qajy Toqtomýshev, Mońǵolııa múftıi Batyrbek Hadys, Fınlıandııadaǵy Islam ortalyǵynyń tóraǵasy Golten Bedretdın, t.b. din qaıratkerleri, dinı saladaǵy memlekettik organnyń basshylary, zııaly qaýym ókilderi, jalpy sany 300 delegat qatysýda.

2019 – Jastar jyly aıasynda ótip jatqan konferentsııa maqsaty – óskeleń urpaqty destrýktıvti aǵymnyń yqpalynan saqtandyrý, olarǵa durys dinı aqparat jetkizý, dinı Ekstremızm men terrorızmdi aldyn alý maqsatynda Eýrazııa jáne Ortalyq Azııa elderi din qaıratkerleriniń kúshin biriktirý, tájirıbe almasý, «Rýhanı jańǵyrý» ıdeıasyn nasıhattaý, jahandyq dinı máselelerdi sheshýde jańa ádis-tásilderdi usyný, ultaralyq, konfessııaaralyq dıalogty nyǵaıtý, t.b.

Konferentsııa sońynda qatysýshylardyń arnaıy Qarary qabyldanbaq.