«Halıfa Altaı» meshitinde Azan jarysy ótti (FOTO)

Shyǵys Qazaqstan oblystyq «Halıfa Altaı» meshitinde eki aptalyq bilim alyp jatqan shákirtter arasynda Azan jarysy ótti. Is-sharany osy meshittiń naıb ımamy Dosjan Úmbet uıymdastyrdy.

Saıysqa aýdandyq jáne aýyldyq meshitterde qyzmet atqaryp júrgen, bilimin jetildirip jatqan shákirtter qatysyp, azan aıtý sheberligin sarapqa saldy.

«Azan úni ıslamnyń bir keremeti sanalady. Bizdiń bul saıysty ótkizýdegi maqsatymyz – shákirtteridń azan aıtý sheberligin shyńdaý, yntalandyrý», – dep atap ótti Dosjan Úmbet.

Shákirtter saıysta belsendilik kórsetti. Azan jarysynyń júldegerleri baǵaly syılyqtarmen marapattaldy. Shara sońynda naıb ımam azannyń keremeti jaıly nasıhat aıtty.