HALAL SALASYNDA INDONEZIIaMEN BAILANYS ORNATYLMAQ

QMDB Tóraǵasy, Bas múftı Naýryzbaı qajy Taǵanulynyń jyl basynda Indonezııaǵa jasaǵan resmı issapary barysynda eki el arasynda áriptestik yntymaqtastyqty arttyrý boıynsha halal baǵyty da kún tártibinde boldy. Indonezııamen bastalǵan yntymaqtastyq jumystaryn jalǵastyrý maqsatynda Astana qalasynda QMDB Tóraǵasynyń orynbasary, naıb múftı Ershat Aǵybaıuly Indonezııanyń Qazaqstandaǵy elshiliginiń hatshysy Gýstaf Daýd myrzamen kezdesti. 

Kezdesýde taraptar Qazaqstan men Indonezııa arasyndaǵy halal ónimder aınalymyn jáne álemdik naryqta básekege qabiletti halal ónim óndirýshi kásiporyndar sanyn arttyrý, eki eldiń halal standarttaý jáne sertıfıkattaý júıesinde ózara tájirıbe almasý, mamandardyń bilimin jetildirýdiń mańyzdylyǵyna toqtaldy.

Sonymen qatar, Gýstaf Daýd myrza Dinı basqarmanyń ár jyly ótkizetin «HALAL EXPO» kórmesine qyzyǵýshylyq tanytyp, osy jyly ótetin úshinshi «HALAL EXPO-2023» kórmesine mindetti túrde qatysatynyn jáne ındonezııalyq halal ónim óndirýshi kásiporyndardy da qatystyrý týraly oıyn aıtty.

Kezdesý sońynda naıb múftı Ershat Aǵybaıuly ózara yntymaqtastyqty arttyrýǵa múddeli ekenin jetkizdi.

​

Источник: Aidos