Halal ındýstrııasyn damytý máselesi talqylandy (FOTO)
Astanada Bas múftı Serikbaı qajy Orazdyń tóraǵalyǵymen halal ındýstrııasyn damytý máselesine arnalǵan alqaly májilis ótti.
Resmı kezdesýge Ulttyq akredıtteý ortalyǵy basqarma tóraǵasynyń mindetin atqarýshy Maqsut Ómirhanov bastaǵan jumys toby, múftııat tarapynan naıb múftı Baýyrjan Esmahan, QMDB Apparat basshysy Ǵylymbek Májıev, QMDB Halal standarttaý bóliminiń meńgerýshisi Beıbit Myrzageldıev, múftııat janyndaǵy «Halal Damý» JShS dırektorynyń orynbasary Ánýar Eljanov qatysty.
Basqosýda múftııat pen Ulttyq akredıtteý ortalyǵynyń birlesken jobalaryn júzege asyrý, ózara tájirıbe almasý, ónimderdi halal standarttaý, azyq-túlik qaýipsizdigin qamtamasyz etý, tehnolog-mamandar korpýsyn qalyptastyrý, osy salada Dinı basqarma men Ortalyqtyń ortaq qyzmetin jandandyrý, t.b. máseleler jan-jaqty sóz boldy.
«Islam – adamzattyń tirshiligi men qulshylyǵyna qatysty kez-kelgen saýalǵa jaýap beretin kemel din. Ózderińiz jaqsy bilesizder, elimizde halal ónimge degen suranys jyl sanap artyp keledi. Bul – tendentsııa. Bizdiń maqsatymyz – kez-kelgen azamattyń halal ónimdi tańdaýyna, tutynýyna kómektesý», – dep atap ótti Serikbaı qajy Satybaldyuly.
Óz kezeginde sóz alǵan Ulttyq akredıtteý ortalyǵy basqarma tóraǵasynyń mindetin atqarýshy Maqsut Ómirhanov bul salada múftııatpen yntymaqtasa otyryp qyzmet etýge daıyn ekenin atap ótti.
