«Halal damý» JShS malaızııalyq «Sunrus» kúnbaǵys maıyn sertıfıkattady (FOTO)
Malaızııanyń astanasy Kýala-Lýmpýr qalasynda tirkelgen "Rhodium Phoenix Asia" SDN.BHD kompanııasynyń ótinishimen Reseıdiń Krasnodar qalasynda óndiriletin "Mamrýkovskoe" suıyq maıy QMDB "Halal Damý" JShS-nan sertıfıkattaýdan ótti. Aldaǵy ýaqytta "Mamrýkovskoe" saýda belgisimen tanylǵan kúnbaǵys maıy Malaızııaǵa "Sunrus" ataýymen Eksporttalatyn bolady.
Sońǵy úlgidegi jańa tehnıkamen jabdyqtalǵan álemdik standarttar men sapa talabyna saı ónim óndiretin Reseılik "Mamrýk" JShS-i rafınadtalǵan jáne rafınadtalmaǵan 100% taza kúnbaǵys maıy, olıv maıyn shyǵarýmen aınalysady. Mekemede jylyna 2000 tonna maı óndiriledi.
"Mamrýk maıy" saýda belgisimen tanylǵan "maı ónimderi" tek qana Reseı emes, alys-jaqyn shet elderdiń saýda naryǵynda 20 jyldan astam ýaqyt jumys istep keledi. Reseı Federatsııasynyń Ońtústik aımaǵynda "maı óndirýshi" kompanııalardyń arasynda úzdik úshtikke kiredi.
Atalǵan kásiporyndy sertıfıkattaý úshin Krasnodar qalasyna arnaıy is-saparmen barǵan "Halal Damý" JShS-ń dırektory Á.Eljanov mekemeniń halal standart talaptaryna saı ónim óndiretindigin tekserip, ınspektsııalyq jumystar júrgizdi. Laboratorııalyq synaq jumystary oń nátejıesin berip, 2 kúnge sozylǵan ınspektsııalyq jumys qorytyndysyna sáıkes "SUNRUS" kúnbaǵys maıyn Eksporttaıtyn Malaızııalyq "Rhodium Phoenix Asia" SDN.BHD kompanııasyna "QMDB halal" sertıfıkaty tabystaldy.
