«HALAL DAMÝ» «ULTTYQ AKKREDITTEÝ ORTALYǴYNYŃ» SARAPTAMASYNAN ÓTÝDE
QMDB Tóraǵasy, Bas múftı Naýryzbaı qajy Taǵanulynyń tapsyrmasymen «Halal Damý» standarttaý jáne sertıfıkattaý mekemesi sáıkestikti baǵalaý salasyndaǵy Qazaqstan Respýblıkasy saýda jáne ıntegratsııa mınıstrligine qarasty Ulttyq akkredıtteý ortalyǵynyń saraptamasynan ótýde.
UAO sertıfıkattaý organdaryn akkredıtteý departamentiniń baǵalaýshysy, akkredıtteý tobynyń basshysy Baǵlan Quttybaev jáne «Halal Damý» mekemesiniń dırektory Aıbek Asqarbekulynyń qatysýymen akkredıtteý jumystarynyń alǵashqy kúni eki jaqtyń mamandarynyń basqosý jıynymen bastaldy.
«Halal boıynsha akkredıtteý – Qazaqstandaǵy sapany baǵalaý júıesindegi jańa baǵyttardyń biri. Bul ónimniń nemese qyzmettiń jan-jaqty zerttelgenine jáne halal talaptaryna sáıkes keletinine memleket tarapynan berilgen kepildik. Osy arqyly halal salasyndaǵy jańa baǵyttardy damyta otyryp, mamandar biliktiligin arttyrý, sertıfıkattaýdyń jańa shemalaryn engizý, el aýmaǵynda halal salasyn júıeleý sekildi múmkindikterge jol ashylady», – deıdi Aıbek Asqarbekuly.
Aıta keteıik, akkredıtteý jumystary sertıfıkattalǵan kásiporyndarda aýdıt júrgizý, mekemeniń ishki qujat júrgizý protsessimen tanysý, mamandar bilimin baǵalalý sekildi birneshe kezeńderden turatyndyqtan akkredıtteý nátıjesi aldaǵy ýaqytta habarlanady.
