Halal bólimi mamandary semınarǵa qatysty

Ulttyq akkredıtteý ortalyǵynyń uıymdastyrýymen Nur-Sultan qalasynda halal máselesine qatysty semınar ótip jatyr. Osy semınarǵa Túrkııa standarttaý ınstıtýtyna qarasty Halal standarttaý ortalyǵynyń bas mamany Mýhammed Ozhan Gıýndýz dáris oqýda.

Bul Halal standarttaý ortalyǵy Islam yntymaqtastyǵy uıymyna qarasty 39 el maquldaǵan «Islam memleketteriniń metrologııa jáne standarttaý ınstıtýty» (SMIIC) standartyna sáıkes halal salasyn júrgizip keledi. Túrkııa elindegi halal salasynyń qalyptasýy men júıesiniń tájirbıesin bólisý maqsatynda ótip jatqan osynaý sharaǵa túrli mekemelerden arnaıy mamandarmen qatar QMDB Halal ónimderin standarttaý bólimi mamandary men jaqyn oblystardaǵy ókilderi semınarǵa shaqyrtyldy.

SMIIC uıymy aıasynda qalyptasqan Túrkııa standarttaý jáne metrologııa mekemesi laboratorııalyq zertteý, akkredıtteýde birizdilikti júzege asyryp, kásibı bilim berý men tehnıkalyq kómek kórsetýdi basty nazarǵa alady. Sol maqsatta Túrkııadan kelgen lektor Mýhammed Ozhan Gıýndýz «Halal ónimderge qujattyń júrgizilýi: maqsaty men tapsyrmalary», «Túrkııadaǵy jáne álemdegi standarttaý protsessi», «Halal ónimderge qoıylatyn jalpy talaptar TS/SMIIC», «Termınder men anyqtamalar», «Óndiris pen qyzmet»,  «Sertıfıkattaý erejeleri», «Taǵam óndirisi», «Óndiris jáne qural-jabdyqtar» sekildi halal salasynyń ózekti taqyryptary jaıynda úsh kúndik dáris júrgizýde.
Semınarǵa halal ónimderin standarttaý bóliminiń meńgerýshisi S.Seıtbekov, QMDB-nyń «Halal Damý» JShS-i óńirlik baqylaýshy ınspektorlary jáne bólimniń tehnolog mamandary da qatysty.