Hákim Abaı elinde Ihsan kitabynyń tanytymy ótti (FOTO)

Semeı óńiriniń Bas ımamy Asqar Ábitaıuly Abaı jurtshylyǵymen kezdesti. Kezdesý barysynda Bas múftı Naýryzbaı qajy Taǵanulynyń bastamasymen jaryqqa shyqqan «Ihsan – rýhanı tárbıe negizi» kitabynyń tanytymy ótti.

Semeı óńiriniń bas ımamy Asqar Ábitaıuly bul eńbektiń mán-mańyzyna toqtalyp: «Sońǵy jyldary qazaq tilinde jaryq kórgen dinı ádebıetterdiń sany ǵana emes, sapasynyń da artqany belgili. Osy ýaqytqa deıin adamdy rýhanı turǵydan jetildirip, adamgershilik turǵysynan ózgertýge baǵyttalǵan eńbekterdi túrik ne arab tilinen aýdaryp kelgenimiz aqıqat. Atalmysh eńbekterdiń ornyn baspasa da, ýaqyt talabyna jaýap bere alatyn tanymdyq kitaptyń qajettiligin din mamandary kópten sezingen. Osy oraıda, elimizdiń Bas múftıi Naýryzbaı qajy Taǵanuly hazirettiń bastamasymen jaryq kórgen «Ihsan – rýhanı tárbıe negizi» atty týyndynyń qalyń oqyrmanǵa jol tartqany bárimizdi qýantty.