KENEN ÁZIRBAEVTYŃ 140 JYLDYǴYNA ARNAP QURAN HATYMY BAǴYShTALDY (FOTO)

Astana qalasy «Aqmeshit» meshitinde bas ımam Dáýren Mýslımovtyń uıymdastyrýymen qazaqtyń áıgili halyq aqyny, jyraý Kenen Ázirbaevtyń 140 jyldyǵyna arnap Quran hatymy baǵyshtaldy.

Eń áýeli jamaǵatqa Kenen Ázirbaevtyń ómir joly men shyǵarmashylyǵy tanystyrylyp, ómiriniń ǵıbratty oqıǵalary baıandaldy. Sondaı-aq otansúıgishtik, dinge, ultqa qyzmet etý sekildi taqyryp tóńireginde ýaǵyz aıtyldy.

Artynsha Quran hatymynyń duǵasy jasalyp, arda babamyzdyń atyna saýaby baǵyshtaldy. Jınalǵan jamaǵat jaıylǵan aq dastarhannan dám tatty.