Karantın erejelerin saqtamaǵan meshitter jabylatyn bolady

Mysyr eliniń Ýaqyp mınıstri eldegi jaǵdaıǵa baılanysty karantın erejelerin durys saqtamaǵan kez kelgen meshittiń jabylatynyn málimdedi. Mýhammad Mýhtar Jýmanyń aıtýynsha, koronavırýsqa qarsy kúres sharalarynda óz mindetine salǵyrt qaraǵan dinı qyzmetkerlerge de shara qoldanylatyn bolmaq.

Sondaı-aq, ol meshitterdiń jabylýy qulshylyq ordasyna kelýshi jamaǵattyń bekitilgen saqtyq sharalaryn oryndamaǵan jaǵdaıǵa ǵana júzege asatynyn túsindirdi. «Eger sizder ózderińizdiń nemese aınaladaǵylardyń densaýlyǵyna alańdaýshylyq tanytyp, qulshylyqtaryńyzdy úıde óteýge nıet etseńizder – eshqandaı kúnási joq», – dep atap ótti ol.

Aıta keteıik, Egıpet jerinde sońǵy kúnderi táýligine 1000-ǵa jýyq jannyń koronavırýsqa shaldyqqany jaıly málimet tirkelip otyr. Osyǵan baılanysty el bıligi qatań saqtyq sharalaryn engizdi. Endi kóshede betperdesiz júrgenderge jańa ereje boıynsha 50 egıpet fýnty kóleminde aıyppul salynatyn bolmaq. Betperde rejımi eldegi barlyq mekemelerde, qoǵamdyq kólikterde, sondaı-aq taksı ishinde de saqtalýy tıis.