«IZGILIK KERÝENI»: «AR-RAHMAN» MEShITINDE 35 MUQTAJ OTBASYǴA AZYQ-TÚLIK BERILDI

Astana qalasynyń jáne «Áziret Sultan» meshitiniń bas ımamy Nurbek qajy Áýeshanulynyń bastamasymen qolǵa alynǵan «Izgilik kerýeni» qaıyrymdylyq jobasy elorda meshitterinde óz jalǵasyn tabýda.

Joba aıasynda «Áziret Sultan» meshitiniń uıytqy bolýymen «Ar-Rahman» meshitinde qasıetti Máýlit aıyna oraı qaıyrymdylyq sharasy uıymdastyryldy. Igi bastama barysynda áleýmettik qoldaýdy qajet etetin 35 muqtaj otbasyǵa azyq-túlik sebetteri tabystaldy.

Qaıyrymdylyq sharasynyń maqsaty – muqtaj otbasylarǵa qoldaý kórsetip qana qoımaı, qoǵamda ózara janashyrlyq pen baýyrmaldyqty arttyrý, izgilik pen qaıyrymdylyq mádenıetin keńinen nasıhattaý.