«Izgi qala turǵyndary» qaıyrymdylyq chelendji jandana tústi (FOTO+VIDEO)

QMDB Nur-Sultan qalasy ókildiginiń uıymdastyrýymen kesheden bastap «Izgi qala turǵyndary» qaıyrymdylyq chellendji bastalǵan bolatyn. El astanasyndaǵy aýa-raıynyń qolaısyzdyǵyna oraı bastalǵan ıgi shara aıasynda Elorda meshitteriniń qyzmetkerleri men jamaǵaty «Tegin taksı» qyzmetin usynyp, jolda qalǵan júrginshilerdi tegin tasymaldaýǵa kirisken bolatyn.

Igi sharaǵa atsalysamyn deýshilerdiń qatary qasıetti juma kúni tipten arta tústi. Juma namazy bastalmaı turyp, respbýlıkalyq «Áziret Sultan» meshiti janynan 18 erikti jan kólikterine arnaıy belgi qaǵazdaryn japsyryp, saýapty isti bastap ta ketti.

QMDB tóraǵasynyń birinshi orynbasary, naıb múftı, Nur-Sultan qalasynyń bas ımamy Naýryzbaı qajy Taǵanuly qaıyrymdylyq aktsııasyna qulshyna kirisken meshit jamaǵaty men qyzmetkerlerine óz rızashylyǵyn bildirip, «Izgi qala turǵyndary» chellendjin qyzý qoldaýǵa shaqyrdy. Naýryzbaı qajy Taǵanuly bul qaıyrymdylyq sharasy 12 meshit boıynsha birdeı ótkizilip jatqanyn atap ótip, qala turǵyndary osyndaı qıyn shaqtarda meıirimdi bolýǵa úndedi.

Sýretterdi «FOTOGALEREIa» aıdarynan kóre alasyzdar!