«ISLAM JÁNE ADAL QOǴAM» JYLY: «KÓKTAL» MEShITINDE JAMAǴATPEN JIYN ÓTTI (FOTO)

«Kóktal» meshitinde jamaǵatqa bıylǵy jyl «Islam jáne adal qoǵam» jyly retinde tanystyryldy. Osyǵan oraı túsindirý jıyny uıymdastyryldy.

Onda ımamdardyń qyzmeti tórt baǵyt boıynsha júzege asyrylatyny aıtyldy: «Ihsan jáne nasıhat», «Dinı oqý-aǵartý», «Dástúr jáne otbasy», «Jat dinı aǵymdardan saqtandyrý».

Jıynda ár baǵyttyń mazmuny qysqasha túsindirildi. «Ihsan jáne nasıhat» aıasynda rýhanı tárbıe men kórkem minez qalyptastyrýǵa mán beriletini habarlandy.

«Dinı oqý-aǵartý» boıynsha dinı saýattylyqty arttyrýǵa arnalǵan dárister uıymdastyrylady. «Dástúr jáne otbasy» baǵyty ulttyq qundylyqtardy nasıhattaý men otbasy tárbıesine qatysty máselelerdi qamtıdy. Al «Jat dinı aǵymdardan saqtandyrý» baǵyty teris ıdeologııalardyń aldyn alýǵa baǵyttalady.