Islam fıqhy akademııasynyń XXIV sezi bastaldy (FOTO)

Birikken Arab Ámirliginiń Dýbaı qalasynda Islam álemindegi bedeldi uıymdardyń biri – Halyqaralyq Islam fıqhy (kanony) akademııasynyń XXIV-shi sezi bastaldy. Atalmysh sharaǵa Akademııadaǵy Qazaqstannyń turaqty ókili, Qazaqstan musylmandary dinı basqarmasy tóraǵasynyń orynbasary, naıb múftı, PhD doktory Ershat Ońǵarov qatysýda.   

«57 elden kelgen Islam ǵulamalary men faqıhteri alqaly jıynda musylman áleminiń ózekti máseleleri boıynsha pikir almasyp, musylman jurtshylyǵyn alańdatqan taqyryptardy qozǵaıdy. Osy rettegi bes kúndik ǵylymı keńeste «Krıptovolıýta», «Aqsha ınflıatsııasy» «FIDIC kelisimsharttary», «Islamdaǵy toleranttylyq», «Taǵam jáne sý qaýipsizdigi, «Genetıka» t.b. ózekti máseleler talqylanýda» – deıdi Akademııadaǵy elimizdiń turaqty ókili Ershat Aǵybaıuly.

Esterińizge sala keteıik, Qazaqstan musylmandary dinı basqarmasynyń bastamasymen elimiz 2013 jyly tuńǵysh ret Halyqaralyq Islam fıqhy (kanony) akademııasynyń turaqty múshesi bolyp qabyldanǵan edi. 1977 jyly negizi qalanǵan Halyqaralyq Islam fıqhy akademııasy – búgingi Islam ǵulamalary men faqıhteriniń basyn quraıtyn musylmandardyń ǵylymı ortalyǵy bolyp esepteledi. Quramyna 57 eldiń ǵalymdary kiretin keńeste qazirgi kúnniń kókeıtesti máseleleri keńinen qaralyp, olarǵa qatysty Islam ǵulamalarynyń ortaq sheshimderi shyǵyp otyrady.