Iordan elshisimen birqatar bastamalardy talqylady (FOTO)
Búgin elordada Qazaqstan musylmandary dinı basqarmasynyń tóraǵasy Naýryzbaı qajy Taǵanuly Iordan Hashımıt Koroldiginiń elimizdegi Tótenshe jáne Ókiletti Elshisi Iýsýf Abdelǵanımen kezdesti.
Kezdesýge QMDB Apparat basshysy Ǵylymbek Májıev, Bas múftı keńesshisi Baltabaı Mekejanov qatysty.
Mártebeli meıman Bas múftıge jaýapty qyzmetke saılanýyna baılanysty tileýlestik nıetin bildirip, Iordan Islam din isteri jáne Ýaqyp mınıstri Muhammed Ahmed ál-Halaılanyń resmı quttyqtaý hatyn tabystady.
«Biz ekijaqty kelisim men baýyrlastyq baılanys aıasynda Iordan Hashımıt Koroldiginde oqyp jatqan qazaq stýdentterine qoldaý kórsetýge daıynbyz. Siz basqaryp otyrǵan Dinı basqarmamen, Bilim mınıstrligimen ortaq kelisim aıasynda qazaq stýdentterine grant bólý máselesin qarastyryp jatyrmyz» dep atap ótti Iýsýf Abdelǵanı.
Bul bastama úshin Elshige alǵysyn bildirgen Bas múftı Naýryzbaı qajy Taǵanuly: «Qazaqstan musylmandary dinı basqarmasy – musylman úmbeti men el ıgiligi jolynda qyzmet etip kele jatqan, 3 myńǵa jýyq fılıaly bar ıslamı dinı birlestik. Biz oqý-aǵartý, dinı kadr daıarlaý, tájirıbe almasý, t.b. salalar boıynsha yntymaqtastyq arttyrýǵa daıynbyz» dedi.
Basqosý barysynda Elshi Bas múftıdi Iordanııada ótetin halyqaralyq konferentsııaǵa shaqyrdy. Kezdesý sońynda taraptar rýhanı-aǵartýshylyq baǵytta ortaq jobalardy júzege asyrýǵa ýaǵdalasty.
