«Inabat» klýbynyń músheleri «Ana úıine» syılyq jasady (FOTO)

Respýblıkalyq «Áziret Sultan» meshitiniń «Inabat» qyz-kelinshekter klýby keshegi ótken jeksenbide Nur-Cultan qalasyndaǵy «Ana úıin» zııarat etip, ortalyqtaǵy jalǵyzbasty analarǵa syılyq jasap qaıtty. Bas meshittiń áıel shákirtteri men jamaǵatynan quralǵan eriktiler toby «Ana úıi» ortalyǵyna tamaq pisiretin pesh, mýltıvarka, mıkser sekildi as-úı jabdyqtaryn tartý etti. Sondaı-aq, jalǵyzbasty analarǵa oramal-kóılek sekildi kıimder men «Pampers» jaıalyqtaryn syılap, tátti taǵamdarmen kóńilderine qýanysh uıalatýǵa tyrysty.

Arnaıy daıyndyqpen barǵan «Inabat» klýbynyń músheleri ortalyqtaǵy ápke-sińlilerimen emen-jarqyn til tabysyp, tipti merekelik baǵdarlama da usyndy. Túrli oıyndar oınatylyp, psıhologııalyq trenıng te ótkizildi. Nur-Sultan qalasy din problemalaryn zertteý ortalyǵynyń psıholog mamany Áıtenova Aıgúl Oralbaıqyzy ótkizgen trenıngtiń ortalyqtaǵy analar úshin erekshe áseri boldy.

Kesh sońynda ortalyqtaǵy analarǵa arnaıy merekelik dastarhan jaıylyp, jyly júzdesýden bastalǵan rııasyz dostyqty damyta tústi. Ortalyqtaǵy qamkóńil analar úshin búgingi kúnniń qýanyshy uzaqqa saqtalatynyn jetkizip, alǵystaryn bildirdi.

Sýretter toptamasyn «FOTOGALEREIa» aıdarynan kóre alasyzdar!