«INABAT» KLÝBY MEShIT IGILIGINE QAJETTI ZATTARDY SYILADY (FOTO)
«Áziret Sultan» meshitiniń «Inabat» qyz-kelinshekter klýby meshit ıgiligi men tazalyǵyna qajetti quraldardy syıǵa tartty.
Shara barysynda «Áziret Sultan» meshitiniń ustazdary Kúlsara Beketqyzy («Ájeler mektebi» klýbynyń jetekshisi), Nurgúl Álıhanqyzy («Inabat» qyz-kelinshekter klýbynyń jetekshisi), Gúlnur Ábdimanap qulshylyq úıiniń tazalyqshylar ujymyna ózderiniń alǵystary men zor senimderin bildire otyryp, Alla úıiniń tazalyǵy úshin kúndiz-túni eńbektenip júrgen jandarǵa shynaıy yqylastary men rızashylyqtaryn bildirdi.
Aıta keterligi, 2018 jyly negizi qalanǵan «Áziret Sultan» meshiti janyndaǵy «Inabat» qyz-kelinshekter klýby aı saıyn qaıyrymdylyq sharalarymen aınalysyp, áıelder jamaǵatynyń basyn biriktirip, ıgi isterge baýlyp keledi.
