«Iman» jýrnaly shyǵarmashylyq baıqaý jarııalady

Qazaqstan musylmandary dinı basqarmasyna qarasty aı saıyn shyǵatyn dinı-tanymdyq «Iman» jýrnaly Qazaqstan musylmandary dinı basqarmasynyń qurylǵanyna 30 jyl tolýyna baılanysty «Qazaqstan múftııaty: ótkeni, búgini, erteńi» atty shyǵarmashylyq baıqaý jarııalaıdy.

Baıqaýdyń maqsaty:

Qazaqstan musylmandary dinı basqarmasynyń tarıhyn, búgini men erteńine sholý jasaý, ótkennen ǵıbrat alý, bolashaqty baǵdarlaý, dinı taqyryptaǵy shyǵarmashylyqty damytý.

Baıqaýdyń mindetteri:

• Zertteýshilerdiń izdenisin arttyrý;
• Din jolynda qyzmet etken jandardyń esimin ulyqtaý;
• QMDB-nyń qoǵamdaǵy rólin arttyrý;
• Osy taqyrypta jazyp júrgen avtorlarǵa kásibı motıvatsııa berý;
• Dinı qyzmetkerlerdiń ónegeli isterin aqparat quraldary arqyly nasıhattaý.

Baıqaý sharttary:

• Baıqaýǵa Qazaqstan musylmandary dinı basqarmasynyń 30 jyldyq (1990-2020 jyldary aralyǵynda) tarıhy kezeńinde dinı basqarmaǵa, onyń quramynda qyzmet etken dinı qyzmetkerlerge qatysty jazylǵan qyzyqty oqıǵalar, zertteýler, suhbattar, estelikter, áserli áńgimeler jiberiledi.
• Shyǵarmashylyq jumystar Word faıly túrinde qabyldanady. Maqala kólemi Times New Roman shrıftimen 14 kegl ólsheminde, birtekti (odınarnyı) ıntervalmen terilip, jalpy kólemi 4 betten aspaýy tıis.
• Jumystar uıymdastyrýshynyń meken-jaıyna (Almaty qalasy, Pýshkın kóshesi, 16) jáne journal.iman@gmail.com Elektrondy poshtasyna «Baıqaýǵa» aıdarymen joldanýy tıis.
• Bir qatysýshy bir nomınatsııaǵa tek bir materıal ǵana jibere alady.
• Materıaldar qazaq tilinde qabyldanady.
• Baıqaýǵa Qazaqstan Respýblıkasynyń azamattary qatysa alady.
• Qatysýshylar shyǵarmashylyq jumystarǵa ózderiniń tolyq aty-jónin, telefon nómirin, meken-jaıyn, Elektrondy poshtasyn jáne ózderi týraly qysqasha málimetti qosyp jazyp, journal.iman@gmail.com Elektrondy poshtasyna jiberýi kerek.

Baıqaý talaptary:

• Baıqaýǵa shyǵarmashylyq jumystardy qabyldaý 2020 jyldyń 1 aqpanda bastalyp, 2020 jyldyń 31 tamyzda aıaqtalady.
• Qazaqstannyń egemendigine, birtutastyǵyna, birligine nuqsan keltiretin, baıqaý sharttaryna saı kelmeıtin materıaldar baıqaýǵa qabyldanbaıdy.
• Shyǵarmashylyq jumystardyń mazmuny jobanyń ataýyna («Qazaqstan múftııaty: ótkeni, búgini, erteńi») saı bolýy kerek.

Baıqaý barysy:

• Qazylar alqasy úzdik dep tanyǵan shyǵarmashylyq materıaldar «Iman» jýrnalynda jarııalanady.
• Jeńimpazdardy kásibı jýrnalıster men dinı mamandardan qurylǵan qazylar alqasy anyqtaıdy.
• Jeńimpazdar 2020 jyldyń qazan aıynda ótetin shyǵarmashylyq qorytyndylaý rásiminde marapattalyp, júlde tabystalady.
• Baıqaýǵa qatysý úshin usynylǵan jumystar: shynaıylyǵyna, ereksheligine, mazmunyna, kórkemdigine, sapasyna, ózektiligine, tolymdylyǵyna jáne t.b. sıpattaryna qaraı baǵalanady.

Júlde qory

Bas báıge: Umra qajylyǵyna joldama;
I oryn – 150 myń teńge;
II oryn – 100 myń teńge;
III oryn – 75 myń teńge;
Yntalandyrý syılyǵy úsheý, árqaısysy 30 myń teńgeden.

Uıymdastyrýshylar:

Qazaqstan musylmandary dinı basqarmasy men dinı-tanymdyq «Iman» jýrnaly.

Tolyq aqparatty +7 778 948 7410 nómiri arqyly bile alasyzdar. (Suraqtaryńyzǵa dúısenbi-juma kúnderi aralyǵynda saǵat 09.00-18.00 arasynda jaýap bere alady).

«Iman» jýrnalynyń meken-jaıy:

Almaty qalasy, Pýshkın kóshesi 16.
Indeks 050016,

Telefondar: 8 (727) 397 63 84, +7 778 948 74 10

E-mail: journal.iman@gmail.com