Imamnyń otbasy «Qobylandy batyr» jyrynan úzindi oqydy (FOTO)

«Tulpar minip tý alǵan» Estafetasyn jyraý Qonys aǵamyzdyń otbasynan alyp, álemniń eki dúrkin chempıony Ardaq Nazarov jáne qazaq radıosynyń tanymal dıktory Muhammedalı Bolatulynyń otbasylaryna joldadyq dep jazady «Áziret Sultan» meshitiniń  naıb ımamy Qýat Erǵalıuly óziniń Facebook paraqshasynda.

«Qazaq Epos» respýblıkalyq aǵartý jobasy «Tulpar minip, tý alǵan!» baıqaýy Qazaqstan Respýblıkasynyń Tuńǵysh Prezıdenti N.A.Nazarbaevtyń «Bolashaqqa baǵdar: rýhanı jańǵyrý» maqalasyndaǵy jáne «Uly dalanyń jeti qyry» maqalasyndaǵy qoıylǵan mindetterdi iske asyrý maqsatynda uıymdastyryldy.

Baıqaý Respýblıka boıynsha 6-10 synyp oqýshylarynyń arasynda ótedi. Qatysýshylar «Qobylandy batyr» jyrynyń Marabaı jyraý nusqasyn jatqa aıtyp, jyrdyń ishindegi kónergen, tarıhı sózderdiń maǵynasyn ashyp, suraqtarǵa jaýap beredi.