Imamdarǵa temeki shegýge tyıym salyndy

Túrkııada meshit ımamdarynyń temeki shegýine tyıym salynady dep málimdedi Túrkııanyń Din isteri basqarmasynyń tóraǵasy Alı Erbash. Bul týraly túrik aqparat kózderine silteme jasap Trend habarlady.

Basqarma tóraǵasynyń aıtýynsha, temeki shegý haram jáne din ókilderi temeki ónimderin qoldanbaýy tıis. «Temeki shegetin adamdar meshit ımamy bola almaıdy», – dep atap ótti Alı Erbash.

Alı Erbash 17-qańtar kúni Túrkııanyń Din isteri basqarmasy atynan eldegi barlyq ımamdarǵa temeki ónimin qoldanatyn din qyzmetkeri qajylyq kezinde top jetekshisi bola almaıtyny týraly eskertpe jiberilgenin habarlady.