Imamdar forýmy aımaqtyq semınarǵa ulasty (FOTO)

Jýyrda ǵana Elordamyzda ótken III respýblıkalyq ımamdar forýmynda qabyldanǵan qujattardy tanystyrý, sonymen qatar ony nasıhattaý maqsatynda Shymkent qalasynyń ortalyq meshitinde arnaıy semınar uıymdastyryldy.

Semınar jumysyn Shymkent qalasynyń bas ımamy Baqtybaı qajy Beısenbaev júrgizdi. Sondaı-aq, ókil ımam orynbasarlary Muhamedjan Estemirov, Názirhan Tashodjaev, Dastan Jeleýovter qabyldanǵan «Din qyzmetkerleriniń atqaratyn dinı rásimderi tizilimi», «Jeti rýhanı qazyq» Qazaqstan musylmandarynyń rýhanı tuǵyrnamasy», QMDB qurylymyndaǵy dinı laýazymdar tizilimi jáne mindetter» qujatyn jan-jaqty tanystyryp, baıandady.

«Forým barsha din qyzmetkerin, halqymyzdy ulttyq qundylyqtardy qurmetteýge, týǵan jerdi kórkeıtýge, jańashyl oılap, qoǵam úshin ıgi is jasaýǵa, óne-boıymyzdaǵy rýhanı qundylyqty jańǵyrtýǵa úndedi. Rýhanı tuǵyrnama – kezeń-kezeńimen atqarylyp jatqan eldegi rýhanı reformalardyń jalǵasy ispetti dúnıe. Bul, ásirese bizdiń qazirgi qoǵamǵa, sonyń ishinde jastar ókilderine asa qajetti dúnıe bolyp otyr», - dedi Bas ımam B.Qydyrbaıuly.

Sonymen qatar, forýmda qabyldanǵan qujattardy keńinen nasıhattaý boıynsha is-sharalar jospary ázirlenýde.

Aıta ketý kerek, semınar jumysyna Shymkent qalasyndaǵy barlyq meshit ımamdary qatysty. Sondaı-aq, qatysýshylarǵa forýmda qabyldanǵan úsh qujattyń Elektrondyq nusqasy berildi.