IGISh endi qaı eldiń aýmaǵyna basyp kirmek?
Sheteldik BAQ quraldary IGISh halyqaralyq terrorlyq uıymynyń endigi tý tigetin aımaǵy Iordanııa bolmaq dep boljam jasap otyr. Amerıkandyq National Interest agenttigi taratqan aqparatta Iordanııa koroldigi AQSh-tyń lańkestermen kúrestegi basty jaqtastarynyń biri ekendigi aıtylady.
Alaıda, qazirgi ýaqytta lańkester áskerindegi ıordandyqtardyń úlesi úshinshi orynda turǵan kórinedi. Buǵan qosa, agenttik sarapshylary Iordanııada beleń ala bastaǵan jumyssyzdyq pen joqshylyqtyń, dinı Ekstremızmniń kórsetkishterin sanamalap shyqqan.
Sondaı-aq, Sırııa men Irak jerindegi jeńilisterden keıin otanyna oralǵan ıordandyq lańkesterdiń de kóbeıe túskeni aıtylady. Iordanııa úshin qaýip tóndirip turǵan jaıttardyń biri – sırııalyq bosqyndardyń osy elge jappaı aǵylýynda da bolyp tur. Qazirgi ýaqytta bul eldegi bosqyndar sany 658 000 ústinde sanalady. Turmystyń tapshylyǵy men joqshylyq kesirinen bosqyndardyń lańkester quramyna qosylyp ketý yqtımaldyǵy joǵary deıdi agenttik qyzmetkerleri.
