«Ǵylmanı» murajaıynda arnaıy kezdesý ótti (FOTO)

“Sádýaqas qajy Ǵylmanı” meshitiniń janyndaǵy “Ǵylmanı” murajaıynda ǵulamanyń dúnıege kelgeniniń 130 jyldyǵyna oraı kezdesý ótti, dep habarlaıdy sunna.kz tilshisi.

Bıyl – Keńes úkimetiniń tusyndaǵy Qazaqstan Qazııatynyń qazıi, folklor jınaqtaýshy, aqyn, din ǵulamasy Sádýaqas qajy Ǵylmanı (Sáken qalpe) aqsaqaldyń ómirge kelgenine 130 jyl.

Aıtýly dataǵa oraı, “Sádýaqas qajy Ǵylmanı” meshitinde jyl boıy birqatar merekelik is-sharalar josparlanýda. Sonyń biri, meshit janyndaǵy “Ǵylmanı” murajaıynda ashyq esik kúnderin ótkizý, jamaǵatpen kezdesý ótkizý, ǵylymı konferentsııalar ótkizý sııaqty is-sharalar ótip keledi.

Búgin Ǵylmanı murajaıynda jamaǵatpen “Ótkenniń izimen bolashaqtyń kózi” atty arnaıy kezdesý ótti.

Kezdesý aıasynda “Sádýaqas qajy Ǵylmanı” meshitiniń bas ımamy Baýyrjan Esmahan, Bas  redaktorlar klýbynyń vıtse-prezıdenti, L.N.Gýmılev atyndaǵy EUÝ-niń Jýrnalıstıka jáne saıasattaný kafedrasynyń meńgerýshisi, professor Muratbek Toqtaǵazın, ǵulamanyń kózin kórgen aqsaqal Súıindik Jumabaıuly, murajaıdyń meńgerýshisi, tarıhshy Baqythan Soltanbaı qatarly mamandar baıandama jasady.

Baıandamashylarr Sádýaqas qajynyń ómir belesteri men ónegeli ǵumyry jaıly syr shertip, dástúrli dinı tanym týraly súbeli sóz aıtyp, ózindik zertteýlerimen bólisse, Súıindik aqsaqal ǵulama jaıynda tushymdy  estelikter aıtyp berdi.