«Ǵylmanı» meshitiniń aqsaqal shákirti ónegeli shara ótkizdi (FOTO)
«Sádýaqas qajy Ǵylmanı» meshitinde dinı kýrstan jyl boıy dáris alyp jatqan aqsaqal Tanabaı Ábdildauly ıgi iske muryndyq boldy.
QMDB basty baǵyttarynyń biri oqý-aǵartý jumysy. Bul rette «S.Ǵylmanı» meshitiniń elordadaǵy tarıhı meshit retinde de alar orny erkeshe. Jamaǵaty mol, shákirtteri belsendi meshitterdiń biri. Tarıhı meshit bolǵandyqtan da bul meshitte basqa meshitterden qaraǵanda aqsaqaldy shákirtter kóptep bilim alýda. Sondaı shákirtterdiń biri – bilikti ınjener bolǵan, zeınetker, bul kúnde sekseniń seńgirine aıaq basqan Tanabaı aqsaqal Atyraý qalasyna qonys aýdarýyna baılanysty, kóp jyldar boıy jamaǵat bolyp, dinı bilim alǵan meshitinde dastarqan jaıyp, ustazdary jáne dáristes aqsaqaldardyń batasyn aldy.
Atalmysh sharaǵa bas ımam Baýyrjan Esmahan jáne barsha ımamdar men ustazdar qatysty. Sondaı-aq bas ımam aqsaqalǵa meshit atynan Quran kitap (QR kod arqyly aýdıonusqasy oqylady) jáne basqa da syı-sııapat kórsetip, shyǵaryp saldy.
Meshit aqsaqaldary da qazaqtyń salty boıynsha Tanabaı qarttyń ıyǵyna shapan jaýyp, izgi tilekterin óleń shýmaqtarymen jetkizdi.
Sóz sońynda kóp jylǵy kóz úıir bolǵan qulshylyq ordasymen qımaı qoshtasqan Tanabaı aqsaqal kóńili bosap, kózine de erik bergen sátti – basqa da meshit jamaǵaty men meshit qyzmetkerleri úshin ǵıbrat bop qala bermek.
