FORÝM AIaSYNDA 3 KITAPTYŃ TANYSTYRYLYMY ÓTTI
Elordada ótip jatqan respýblıkalyq forým aıasynda Medrese shákirtterin oqytýǵa arnalǵan 3 jańa kitaptyń tanystyrylymy ótti.
Taǵylymdy sharanyń saltanatty lenta qııý rásimine Qazaqstan musylmandary dinı basqarmasynyń Tóraǵasy, Bas múftı Naýryzbaı qajy Taǵanuly, QR Mádenıet jáne aqparat vıtse-mınıstri Rýstam Álıuly, «Ardagerler uıymy» respýblıkalyq qoǵamdyq birlestigi Ortalyq keńesiniń tóraǵasy Ábilǵazy Qusaıynov, Memleket jáne qoǵam qaıratkerleri Ómirzaq Ozǵanbaı, Jabal Erǵalıev, Tolymbek Ábdiraıym qatysty.
Sonymen qatar, ıgi bastamaǵa memleket jáne qoǵam qaıratkerleri, zııaly qaýym ókilderi, QMDB janyndaǵy Aqsaqaldar, Sarapshylar jáne Jastar keńesiniń músheleri, Múftııat qyzmetkerleri, óńirlerdiń Bas ımamdary men medrese-kolledjder, Quran jattaý ortalyqtarynyń dırektorlary kýá boldy.
«Múftııat» baspasynan jaryq kórgen jańa kitaptardyń qatarynda «Shıfahııa dáristeri» (1-bólim), «Shıfahııa dáristeri» (2-bólim), «Qasıetti Qurannan tańdalǵan mátinder túsindirmesi» eńbekteri bar. Bul oqýlyqtar din mamandarynyń bilim sapasyn arttyryp, shákirtterdiń rýhanı-adamgershilik tárbıesin jetildirýge múmkindik bermek.







