Ersin Ámire «Áziret Sultan» meshitinde juma ýaǵyzyn aıtty (FOTO+VIDEO)

Búgin, qasıetti juma kúni belgili ıslamtanýshy ǵalym Ersin Ámire respýblıkalyq «Áziret Sultan» meshitinde juma ýaǵyzyn júrgizdi. Astana qalasyna arnaıy kelgen ǵalym Bas meshit jamaǵatyna «Zamanaýı musylman kelbeti» taqyrybynda oı tolǵap, shynaıy múminniń qazirgi zamanǵa saı is-áreketi men minez-qulqyn sıpattap ótti.

Bas meshit minberine belgili ǵalymnyń shyǵatynyn estigen Astana qalasynyń turǵyndary da búgingi juma namazyn «Áziret Sultan» meshitinde oqýǵa asyqqandaı. Aýmaǵy atshaptyrym alyp meshittiń ishinen búgin ıne shansharlyq oryn tabý qıyn boldy desek artyq aıtpaımyz. Quran aıattary men Paıǵambar (s.ǵ.s.) hadısterimen kómkerilgen ǵalym ýaǵyzy jamaǵat kóńilinen shyǵyp, rýhanı baıyta tústi.