Elshiler Naýryzbaı qajy Taǵanulyna quttyqtaý hat joldady
Iordanııa Hashımıt Koroldiginiń Qazaqstandaǵy Tótenshe jáne ókiletti elshisi Iýsýf Abdelǵanı jáne Qazaqstan Respýblıkasynyń Kýveıt memleketindegi elshisi Dáýlet Emberdıev QMDB-nyń jańadan saılanǵan tóraǵasy, Bas múftı Naýryzbaı qajy Taǵanulynyń atyna quttyqtaý hat joldady.
«Qurmetti Naýryzbaı qajy Taǵanuly! Allanyń sizge sálemeti men raqymy jaýsyn! Sizdiń QMDB-nyń Tóraǵasy, Bas múftı qyzmetine taǵaıyndalýyńyzǵa oraı joldaǵan quttyqtaýym men júrekjardy tilegimdi qabyl alýyńyzdy suraımyn. Sizdiń asa jaýapty da qaıyrymdy qyzmetińiz ben ıgi bastamalaryńyzǵa mol tabys, al baýyrlas Qazaq halqyna yrys pen qut bereke tileımin!» deı kele Iordanııa elshisi Iýsýf Abdelǵanı eki el arasyndaǵy dostyq baılanystyń odan ári damýyna tilekshi boaltynan atap ótti.
Al Qazaqstannyń Kýveıttegi elshisi Dáýlet Emberdıev: «Qurmetti Naýryzbaı qajy! Sizdi Dinı basqarmanyń Tóraǵasy, Bas múftı bolyp saılanýyńyzben shyn júrekten quttyqtaımyn! Elimizdiń turǵyndarynyń basym kópshiligi uıyǵan qasıetti dinimizdi nyǵaıtýǵa, musylmandardyń arasynda dástúrli ıslamı qundylyqtardy odan ári bekitýge baǵyttalǵan jaýapty qyzmetińizde jańa tabystarǵa, bıik abyroıǵa jete berýińizge tilektespin» dep aqjarma tilegin joldady.
