ELORDANYŃ ÁIEL USTAZDARYNA SEMINAR ÓTTI (FOTO)
«Áziret Sultan» meshitinde QMDB Astana qalasy ókildigine qarasty meshitterdiń áıel ustazdaryna arnalǵan semınar ótti.
Jıynda Nur-Múbarak ýnıversıtetiniń professory, PHD doktor, ıslamtanýshy Shámshat Amangeldiqyzy men Nur-Múbarak ýnıversıtetiniń doktoranty Aıgerim Tórehanqyzy elordanyń áıel ustazdaryna «Din jolyndaǵy qyzmet» taqyrybynda dáris oqydy.
Semınar barysynda spıkerler din salasyndaǵy ustazdardyń qoǵamdaǵy róli men jaýapkershiligine erekshe toqtaldy. Shámshat Amangeldiqyzy óz dárisinde dinı bilim berýdiń zamanaýı ádisteri men áıel ustazdardyń rýhanı tárbıe berýdegi mańyzyn atap ótti. Ol qazirgi qoǵamda áıel ustazdardyń jastarǵa durys baǵyt-baǵdar berýde, otbasy qundylyqtaryn nasıhattaýda erekshe orny bar ekenin jetkizdi.
Aıgerim Tórehanqyzy óz kezeginde dinı qyzmettiń jaýapkershiligi men zamanaýı syn-qaterler týraly oı bólisip, ustazdarǵa paıdaly keńester usyndy. Sondaı-aq, ol din men dástúrdiń sabaqtastyǵyn saqtaı otyryp, áıel ustazdardyń rýhanı tárbıedegi belsendiligin arttyrý qajettigin aıtty.
Jıyn sońynda qatysýshylar taqyryp boıynsha suraqtar qoıyp, ózara pikir almasty. Semınar ustazdardyń biliktiligin arttyryp, dinı bilim berýdegi jańa tásilderdi meńgerýge serpin berdi.
Источник: Aidos
