Elordalyq áıel shákirtter arasynda qolóner báıgesi ótti (FOTO+VIDEO)

Búgin QMDB Nur-Sultan ókildigi Áıel-qyzdar sektorynyń uıymdastyrýymen Elorda meshitterindegi áıel shákirtter arasynda «Altyn ıne» qolóner báıgesi bolyp ótti. Qolóner báıgesine Elorda meshitterinde dinı dáris alatyn qyz-kelinshekter qatysyp, ózderiniń túrli týyndylaryn qazylar alqasynyń baǵalaýyna usyndy.

Qatysýshylardyń biri kópshilik nazaryna qolmen kestelegen quraq kórpeshelerin usynsa, endi biri ásem tastarmen bezendirilgen áshekeı buıymdaryn, taǵy biri toqyma ónerimen tańǵalta tústi. Úmitkerlerdiń sheberligi men ismerligin baǵalap, «Altyn ıne» qolóner báıgesiniń jeńimpazyn anyqtaý «Áziret Sultan» meshitiniń ustazdary Gúlsara Beket, Elmıra Buharbaeva jáne «Nur Astana» meshitiniń ustazy Aıgerim Qazbekovalarǵa tabystaldy.

Qazylar alqasynyń arnaıy baǵalaý paraqshalarynyń nátıjesi boıynsha «Altyn ıne» qolóner báıgesiniń I oryn ıegeri Amangúl Abdýkarımqyzyna buıyrdy. Al, júldeli II jáne III oryndy Aıgúl Qaıratqyzy men Juldyz Janbolatqyzy ıelendi. Shara sońynda «Áziret Sultan» meshitiniń ustazy Dınara Nurǵalıeva barsha qatysýshylarǵa óz alǵysyn bildirip, búgingi sharanyń mańyzdylyǵyn aıtty. Qyz-kelinshekterdiń ıne-jipke ıkemdi bolyp, qol sheberligin damyta túsýi – otbasyndaǵy berekege bastaýy bolaryn atap ótti.

Sýretterdi «FOTOGALEREIa» aıdarynan kóre alasyzdar!