Elordadaǵy Balalar úıine syı jasaldy (FOTO)

Búgingi qasıetti juma Nur-Sultan qalasy ákimdiginiń «Qıyn ómir jaǵdaıyndaǵy balalardy qoldaý ortalyǵyndaǵy» tárbıelenýshi jetkinshekter úshin taǵy bir jarqyn esteligimen este qalatyn boldy. Únemi ózderin umytpaı, túrli oıynshyqtarymen, tátti tamaqtar men sebet toly jemisterimen kelip, meıirimge toly sátter syılaıtyn aǵa-ápkelerin olar jaqsy tanysyp, tipti keıbiri jaqynyraq tanysyp ta alǵan. 

Nur-Sultan qalasy Din isteri basqarmasy jáne QMDB Nur-Sultan qalasy ókildiginiń birlese uıymdastyrýymen bul jolǵy zııarat barysynda da baldyrǵandarǵa túrli oıynshyqtar men zeıin damytýǵa arnalǵan quraldar tartý etilip, júzderine qýanysh syılap qaıtty. Nur-Sultan qalasynyń bas ımamy Erbolat Júsipov bastaǵan ımamdar ujymy men Din isteri basqarmasynyń qyzmetkerleri qamkóńil balalarǵa meılinshe meıirim shýaǵyn tógip, jańa oıynshyqtarymen birge tanysyp, ýaqyttaryn kóńildi ótkizýge tyrysty. Saýapty sharaǵa Din isteri basqarmasynyń basshysy Nurdáýlet Álmuqanov ta qatysyp, ortalyqtaǵy balalardyń jaı-kúıimen tanysyp qaıtty.