Elordada «Jastar jáne rýhanııat» I Halyqaralyq jastar forýmy ótýde (FOTO)

Búgin Elordada, QMDB ǵımaratynda Qazaqstannyń Tuńǵysh Prezıdenti - Elbasy Nursultan Nazarbaevtyń «2019 - Jastar jyly» dep jarııalaǵan ıgi bastamasyna oraı «Jastar jəne rýhanııat» atty respýblıkalyq forým ótýde. 

Forýmǵa Qazaqstan musylmandary dinı basqarmasynyń tóraǵasy, Bas múftı Serikbaı qajy Oraz, Reseı musylmandary dinı basqarmasynyń tóraǵasy Ravıl Gaınýtdın, QR Májilis depýtaty, Aýǵan soǵysynyń ardageri Baqytbek Smaǵul, olımpıada chempıony Baqtııar Artaev, jastar uıymdarynyń jetekshileri, medrese shákirtteri qatysýda.

Sonymen qatar, forýmda L.Gýmılev atyndaǵy Eýrazııa ulttyq ýnıversıtetiniń áleýmettik-mádenı damý jónindegi prorektory, QR UǴA akademıgi Dıhan Qamzabekuly, Reseı qoǵam qaıratkeri, RF Qoǵamdyq palatasynyń múshesi, «Salaýatty Reseı» federaldi jobanyń jetekshisi Sultan Hamzaev jastarǵa taǵylymdy dəris oqydy.

Forýmnyń jumys tártibinde jastar máselesine qatysty ózekti suraqtar boıynsha tájirıbe almasýlar, jas býynnyń áleýetin arttyrý, jastar arasynda dinı Ekstremızm men radıkalızmnyń aldyn alýdyń tájirıbelik mehanızmderin qalyptastyrý, t.b. máseleler talqylandy.

Bas múftı Serikbaı qajy Oraz ben Reseı múftıler keńesiniń tóraǵasy Ravıl Gaınýtdın jastardy jaqsylyqqa úndep, el ıgiligi jolynda aıanbaı qyzmet etýge shaqyrdy.