ELORDADA ÓTIP JATQAN FORÝMDA «ADAL QOǴAM» TUJYRYMDAMASY QABYLDANDY
Elordada ótip jatqan «Adal qoǵam: bilim, rýhanı tárbıe jáne jaýapkershilik» atty din qyzmetkerlerine arnalǵan respýblıkalyq forýmynda «Adal qoǵam» tujyrymdamasy tanystyrylyp, qabyldandy.
Tujyrymdamany kópshilikke QMDB Ýaǵyz-nasıhat bóliminiń meńgerýshisi Batyrjan Mansurov tanystyrdy. Mańyzdy qujattyń daıyndalýdaǵy maqsaty ıslam dininiń qundylyqtaryna negizdele otyryp, qoǵamda adal, ádiletti, jaýapty ári rýhanı turǵyda jetilgen orta qalyptastyrý. Al negizgi mindeti adaldyq uǵymyn tereńirek túsindirip, el ishinde ádildik pen jaýapkershilikti arttyrý.
Tujyrymdama negizgi bes bólimnen turady:
Adal qoǵam uǵymynyń ıslamdaǵy negizi;
Adal qoǵamnyń negizgi qaǵıdattary;
Adal qoǵam qalyptastyrý joldary;
Jastar jáne adal qoǵam;
Kútiletin nátıjeler.
Tanystyrylymnan soń Ardagerler keńesiniń tóraǵasy Ábilǵazy Qusaıynov pen Memleket jáne qoǵam qaıratkeri, QMDB janyndaǵy Aqsaqaldar keńesiniń múshesi Jabal Erǵalıev atalǵan tujyrymdamaǵa qatysty pikir bildirdi.





