Elordada 50 búldirshindi tegin súndetteý sharasy ótti (FOTO+VIDEO)

Búgin Elordamyzdaǵy №2 balalar aýrýhanasy men Nur-Sultan qalasy ókildiginiń birlese uıymdastyrýymen tegin súndetteý sharasy bolyp ótti. Atalmysh sharaǵa qaladaǵy kópbalaly jáne áleýmettik az qamtylǵan januıa balalary shaqyrylyp, №2 aýrýhananyń alty operatsııalyq bólimi jáne alty hırýrg jumyldyrylǵan. Aýrýhananyń Bas dáriger orynbasary Aıdyn Nurtasulynyń aıtýynsha, atalmysh sharaǵa 50-ge jýyq búldirshin tirkelgen kórinedi.

Atalmysh sharaǵa respýblıkalyq «Áziret Sultan» meshitiniń ustazy Dinmuhammed Smanov arnaıy qatysyp, ata-analar qaýymyna súndetke otyrǵyzý rásiminiń mán-mańyzy men sharıǵattaǵy orny jaıly qysqasha aqparat berip ótti. Súndetke otyrǵyzý sharasynyń sátti ótip, búldirshinderdiń aman-esen erjetýin tilep, arnaıy duǵa jasaldy.Shara sońynda súndetke otyrǵyzylǵan búldirshinderge uıymdastyrýshylar atynan arnaıy syılyqtar tartý etildi.

Sýretterdi «FOTOGALEREIa» aıdarynan kóre alasyzdar!