Elorda jastary bas qosty (VIDEO)

Qazaqstan musylmandary dinı basqarmasy «Jastar isi sektory» men Nur-Sultan qalasy ókildigine qarasty «Rýhanı jastardyń» uıymdastyrýymen «El sengen jastar» urany aıasynda Nur-Sultan qalasy jastarynyń alǵashqy kezdesýi bolyp ótti.

Basqosýda sóz bastaǵan «Jastar isi sektorynyń» meńgerýshisi Ádilet Kópen: «Jastar jyly aıasynda respýblıka boıynsha túrli deńgeıde 10 829 mádenı, rýhanı, sporttyq jáne dinı sharalar uıymdastyrdyq. Respýblıkalyq jáne aımaqtyq deńgeıde ótken saýapty hám salaýatty sharalardyń maqsaty – jastardy ımandylyqqa úndep qana qoımaı, olardyń boıynda patrıottyq sezimdi oıatý. Aldaǵy ýaqytta da qarqyndy jumys jasaýǵa barymyzdy salamyz!», - deıdi.

Kezdesý maqsaty — jastarǵa durys baǵyt-baǵdar kórsetý. Al, kezdesý mindetteri: qazirgi qoǵamda jastar arasyndaǵy ártúrli túıitkildi máselelerdiń sheshimin tabýǵa úles qosý; ózin damytýǵa degen ynta-jigerin oıatý; qoǵamda belsendi bolýǵa úndeý; eline adal qyzmet etetin jastar qatarynan bolýǵa atsalysý; eńbekqorlyqqa, ultjandylyqqa, ádeptilikke baýlý; QMDB jarııalaǵan «Jeti rýhanı qazyq» tuǵyrnamasyna ún qosý.

«Kezdesý barysynda birneshe suraqtarǵa jaýap berýge tyrystyq. «Qazirgi qoǵamdaǵy jastar beınesi qandaı?», «Jastardyń arasyndaǵy basty problemalar qandaı jáne onyń sheshý joldary bar ma?», «Biz jastar býyny qoǵamǵa ne bere alamyz?» sekildi máseleler tóńireginde oı bólistik. Kezdesýge qoǵamnyń ártúrli sanatynan jastar qatysyp otyr. Onyń ishinde stýdentter, kásipkerler, jumyskerler jáne t.b. Qoıylǵan suraqtar aıasynda kóptegen pikirler aıtylyp, biraz máseleniń basyn ashyp aldyq dep oılaımyn. Aldaǵy ýaqytta bundaı kezdesýler ótip turady. Elim deıtin kez kelgen qazaqtyń ul-qyzdaryna esigimiz ashyq!», - dep atap ótti «Rýhanı jastardyń» jetekshisi Mahambet Iskanderov.