Elorda ustazdaryna Bas meshitte aýyzashar berildi (FOTO+VIDEO)

Elorda tórindegi Bas meshittiń «Berekeli Ramazan» dastarhanynyń qonaqtary Nur-Sultan qalasyndaǵy ustazdar qaýymy boldy. Jas urpaqty bilim nárimen sýsyndatyp, bilim kógine qanat qaqtyrǵan aıaýly mamandyq ıelerine respýblıkalyq «Áziret Sultan» meshitinde aýyz ashyp, berekeli otyrysqa qatysty.

Bas shahar mektepterinde bilim shoǵyn mazdatyp júrgen bilikti mamandardy «Áziret Sultan» meshitiniń birinshi naıb ımamy Marat Bektazınov ózi qarsy alyp, otyrystyń rýhanı salmaǵyn arttyra tústi. Qasıetti Ramazan aıy jaıynda taǵylymdy ýaǵyz aıtyp, tushymdy suhbat júrgizdi.

Bas meshittegi aýyzashar dastarhanynda bas qosyp, arqa-jarqa kúı keshken aıaýly ustazdar da óz alǵystaryn aıtyp, kórsetilgen syı-qurmetke iltıpat bildirdi. Dastarhan sońy qasıetti Quran aıattarymen árlenip, jamaǵat bolyp qoı jaıǵan duǵamen aıaqtaldy.

Sýretterdi «FOTOGALEREIa» aıdarynan kóre alasyzdar!