ELORDA TURǴYNDARYNA «DIN MEN DÁSTÚR» ÚShINShI KITABYNYŃ TANYSTYRYLYMY ÓTTI (FOTO)

QMDB Astana qalasy ókildiginiń uıymdastyrýymen «Hanshatyr» oıyn-saýyq ortalyǵynda ótken «Dástúrim, dinim – dińgegim» salt-dástúr saıysynda elorda turǵyndaryna «Din men dástúr» úshinshi kitabynyń tanystyrylymy ótti.

Sharaǵa QMDB Din men dástúr bóliminiń meńgerýshisi Nurbek Áýeshanuly, Astana qalasynyń jáne «Áziret Sultan» meshitiniń bas ımamy Erbolat Júsipov jáne meshittiń aq jaýlyqty ájeler qaýymy men elorda turǵyndary qatysty. 

Jıynda Nurbek Áýeshanuly dinimiz ben dástúrimizdi dáripteıtin QMDB Tóraǵasy, Bas múftı Naýryzbaı qajy Taǵanulynyń bastamasymen «Muftyat» baspasynan jaryq kórgen baǵaly eńbektiń mańyzy men qundylyqtaryn tilge tıek etti. Artynsha kitap kesh qatysýshylaryna úlestirildi.

Aıta ketsek, eńbekte asyl dinimiz Islam men ǵasyrlar boıy halqymyzdyń turmystyq ǵurpynda qalyptasqan salt-dástúrlerimiz jan-jaqty qamtylǵan.