Elorda shákirtteri arasynda fýtbol týrnıri ótti (FOTO+VIDEO)

Búgin Nur-Sultan qalasy meshitteriniń shákirtteri arasynda «Teńbil dop» atty fýtbol týrnıri ótti. Aıtýly sharaǵa QMDB-nyń Nur-Sultan qalasy ókildigi men Yryskeldi qajy meshiti uıytqy bolyp otyr. Atalmysh týrnır qulshylyq ordasynda dáris alýshy shákirtter aralyq yntymaqtastyqty arttyrý men ózara salaýatty ómir saltyn ustanýǵa baǵyttalǵan. 

Sporttyq sharanyń ashylýyna «Áziret Sultan» meshitiniń naıb ımamy Baqytjan Ótkelbaev pen Nur-Sultan qalasy Qoǵamdyq damý isteri basqarmasy basshysynyń orynbasary Qasymov Ernar Tursynhanuly arnaıy qatysty.

Elordamyzdaǵy 12 meshit arasyndaǵy dostyq kezdesýde «Áziret Sultan meshitiniń «Sultan» komandasy top jaryp bas júldege ıe boldy. Al, «Tólebaı» meshitiniń «Suńqar» komandasy II oryndy ıelense, «Áljan ana» meshitiniń quramasy III oryndy qanjyǵasyna baılady. 

Jeńimpaz komandalar tómendegi syılyqtarǵa ıe boldy:
I oryn - 50 myń teńge (kýbok, medal);
II oryn - 30 myń teńge, (kýbok, medal);
III oryn - 20 myń teńge, (kýbok, medal);

Odan bólek úzdik óner kórsetken oıynshylarǵa úsh nomınatsııa boıynsha arnaıy alǵys hattar pen aqshalaı syılyqtar tabys etildi. 

Arnaıy nomınatsııaǵa ıe bolǵan qatysýshylar:
Izembaev Boranbaı – «Úzdik qaqpashy» («Áljan ana» meshiti);
Mahan Jandos – «Úzdik qorǵaýshy» («Tólebaı» meshiti);
Merkenov Tamerlan – «Úzdik shabýylshy» («Ǵylmanı» meshiti).

Sýretterdi «FOTOGALEREIa» aıdarynan kóre alasyzdar!