Elorda ókildiginiń áıel ustazdary jańa oqý jylyna daıyndyqtaryn pysyqtady (FOTO)

Búgin respýblıkalyq «Áziret Sultan» meshitinde Nur-Sultan ókildiginiń áıel ustazdaryna arnalǵan jalpy jınalys bolyp ótti. Qaladaǵy 11 meshit boıynsha ustazdyq qyzmet atqaryp, dinimizdiń damýyna ózindik úles qosyp kele jatqan ustazdar qaýymy jańa oqý jyly qarsańynda josparlaryn bekitip, jańa jobalar jaıyn pysyqtady.

Bas shahardaǵy 11 meshit boıynsha Áıelder-qyzdar sektorynyń jaýapty mamany, ustaz Dınara Nurǵalıevanyń jetekshiligimen ótken jınalysqa «Áziret Sultan» meshitiniń naıb ımamy Baqytjan Ótkelbaev qatysyp, jumys baǵyttarymen tanysty.

Atap aıtqanda, birer kúnnen soń barlyq meshitterde bastalatyn Dinı ashý kýrsynyń jumystary, dárister men sabaq júıesi talqylandy. Sondaı-aq, áıel jamaǵaty arasynda teris aǵym zardaptarynan saqtandyrý maqsatynda úgit-nasıhat jumystarynyń júıesi kún tártibindegi máselelerdiń biri boldy. Otbasy qundylyqtaryn dáripteý, áıel jamaǵatynyń bilimin arttyrý, túrli mádenı sharalar uıymdastyrý, t.b. túıtkildi taqyryptar qozǵalǵan jınalys barysynda ustazdar qaýymy óz oılaryn ortaǵa saldy.

Sýretterdi «FOTOGALEREIa» aıdarynan kóre alasyzdar!